Врз основа на Законот за безбедност на сообраќајот на патиштата (“Службен весник на Македонија” бр.54/2007), во Македонија се воведе новина во полагањето на возачките испити и почнаа да функционираат Испитни центри за спроведување на возачките испити. Министерството за внатрешни работи овласти осум испитни центри на територијата на Република Македонија согласно организацијата на соодветните организациони единици – Сектори за внатрешни работи на Министерството.
Испитниот центар “АВТО МОТО СТАРТ” – Тетово започна со работа од 28.08.2008 година со Решението за издавање на Лиценца за организирање и споведување на возачки испит за кандидат за возач и проверка на стручноста на возачите – инструктори и го опфаќа регионот на градовите Тетово и Гостивар. Седиштето на испитниот центар се наоѓа во Тетово на ул: “Маршал Тито” бр.132, а пријавното место во Гостивар на ул: “Никола Парапунов” бр.70.
Одржувањето на испитите во Испитниот центар во Тетово се спроведува согласно Правилникот за начинот на спроведување на возачките испити.